Një 24-vjeçar është therur me thikë sonte në rrugën “Isa Boletini” në Gjilan. Ngjarja ka ndodhur prapa Stacionit të Autobusëve.
Lajmin për RTKlive e ka konfirmuar nga zëdhënësi i Policisë së Kosovës për rajonin e Gjilanit, Ismet Hashani.
“Sot me datën 13.11.2024 rreth orës 20:20 kemi pranuar një informatë se në rrugë “Isa Boletini’’ prapa stacionit të autobusve në qytetin e Gjilanit ka ndoodh një rast therje me thikë. Njësitet policore kanë dalur në vendin e ngjarjes”, tha zëdhënësi i Policisë.
Ai theksoi se viktima është derguar me urgjencë në Qendrën Emergjente në Gjilan dhe më pas për shkak të lëndimeve është derguar në QKUK për trajtim të mëtejmë.
“I dyshuari i këtij rasti i njohur për policinë është vënë në kërkim policor. Policia e Kosovës po punon intezivisht në zbardhjen e rrethanave të këtij rasti”, ka thënë Hashani.
