Presidenti turk Rexhep Tajip Erdogan tha sot se marrëdhëniet e Turqisë me Izraelin janë ndërprerë dhe shtoi se vendi i tij është i gatshëm të fillojë operacione ndërkufitare nëse ndihet i kërcënuar.
– Turqia, e udhëhequr nga Recep Tayyip Erdogan, nuk mund të vazhdojë të zhvillojë marrëdhënie me Izraelin. Aktualisht nuk kemi asnjë marrëdhënie me Izraelin. Ne nuk kemi ndërmarrë asnjë hap për të zhvilluar këto marrëdhënie – u tha ai gazetarëve pasi u kthye nga Azerbajxhani, raporton CNN Turk.
Erdogan shprehu gjithashtu shpresën se Turqia mund të rivendosë lidhjet me presidentin sirian Bashar al-Assad , gjë që, sipas tij, mund të kontribuojë në uljen e tensionit rajonal.
– Rivendosja e marrëdhënieve me Asadin do të jetë e dobishme për uljen e tensioneve në rajon – tha ai, duke shtuar se shpreson që kjo të ndodhë në të ardhmen.
Rreth Trump
Duke folur për presidentin e sapozgjedhur të SHBA-ve, Donald Trump, Erdogan shprehu shqetësimin për disa nga mesazhet që vijnë nga administrata e tij, por theksoi se shpreson që Trump gjatë mandatit të tij të ndërmarrë hapa që do të përfitojnë Lindjen e Mesme.
“Shpresoj që Trump të ndërmarrë hapa të ndryshëm në rajon, sepse mesazhet që vijnë nga ana e tij herë pas here shkaktojnë shqetësim”, tha ai.
