Fotografitë e mbajtura në një arkiv gjerman zbulojnë se si u testuan pengesat e vendosura për të parandaluar largimin e qytetarëve nga Gjermania Lindore, të cilët përpiqeshin të iknin drejt lirisë.
Kushdo që përpiqej të shpëtonte nga shteti komunist, do të ndalohej ose vritej nga rojat patrulluese.
![Një automjet përplaset me një pengesë çeliku në një vend të fshehtë në Gjermaninë Lindore, ku u testuan pengesat që do të parandalonin njerëzit që shpejtonin drejt lirisë nëpër pikat e kontrollit të Berlinit Lindor. Kjo foto e vitit 1980 është një nga disa të tjera të ruajtura në Arkivin e të dhënave të Stasi-t [Sigurimit Shtetëror]. që zbulon se sa kohë kaluan autoritetet e Gjermanisë Lindore për t'u siguruar që kushdo që përpiqej të shpëtonte nga shteti komunist, do të ndalohej ose vritej gjatë përpjekjeve. ](https://gdb.rferl.org/a7f76432-2846-4b47-8d35-9cf9a9c94878_w1023_s.jpg)
Kjo foto e vitit 1980 është një nga disa të tjera të ruajtura në Arkivin e të dhënave të Stasi-t [Sigurimit Shtetëror]. që zbulon se sa kohë kaluan autoritetet e Gjermanisë Lindore për t’u siguruar që kushdo që përpiqej të shpëtonte nga shteti komunist, do të ndalohej ose vritej gjatë përpjekjeve.
![Pasojat e nga testimi i pengesave në objektin sekret të Gjermanisë Lindore. Kreu i kërkimit në Fondacionin e Murit të Berlinit, dr. Gerhard Salter, i tha Radios Evropa e Lirë se këto foto janë bërë në një vend në Gjermaninë Lindore të mbështetur nga sovjetikët, i cili vazhdon të mbetet sekret edhe sot e kësaj dite. "Ne kemi skedarë nga Arkivat Federale që përmendin [vendet e testimit], por nuk dimë asgjë më shumë rreth tyre", tha ai. ](https://gdb.rferl.org/7c1977fd-26c9-4ae6-a426-da579de827eb_w1023_s.jpg)
Kreu i kërkimit në Fondacionin e Murit të Berlinit, dr. Gerhard Salter, i tha Radios Evropa e Lirë se këto foto janë bërë në një vend në Gjermaninë Lindore të mbështetur nga sovjetikët, i cili vazhdon të mbetet sekret edhe sot e kësaj dite. “Ne kemi skedarë nga Arkivat Federale që përmendin [vendet e testimit], por nuk dimë asgjë më shumë rreth tyre”, tha ai.
Salter tha se testimi i barrierave kundër automjeteve ishte vetëm një pjesë e përpjekjes së gjerë kërkimore dhe zhvillimore për t’i bllokuar njerëzit brenda shtetit policor. Vetë struktura e Murit të Berlinit, thotë ai, u sprovua “për rezistencën e tij ndaj sulmeve me automjete, eksplozivë dhe se si do t’u rezistonte fenomeneve natyrore, si p.sh. larja nga uji gjatë reshjeve të mëdha”.
![Një kamion para një pengese në objektin e kërkimit sekret. Harald Jager, një ish-nënkolonel i Stasi-t, u tha gazetarëve gjermanë në vitin 2010: "Sa herë që kufiri shkelej [nga dikush që arratisej] ai pasohej nga një analizë. Kjo është arsyeja pse Ministria e Sigurimit të Shtetit formoi grupe pune për të projektuar objekte të përmirësuara teknologjikisht , të cilat më pas u testuan".](https://gdb.rferl.org/5775aeb1-f59d-47cd-bc16-1364d61b15f0_w1023_s.jpg)
Harald Jager, një ish-nënkolonel i Stasi-t, u tha gazetarëve gjermanë në vitin 2010: “Sa herë që kufiri shkelej [nga dikush që arratisej] ai pasohej nga një analizë. Kjo është arsyeja pse Ministria e Sigurimit të Shtetit formoi grupe pune për të projektuar objekte të përmirësuara teknologjikisht , të cilat më pas u testuan”.
Ky kamion u përplas në një pjesë të Murit të Berlinit në shkurtin e vitit 1989. Tre gjermanolindorë që ishin brenda, u hodhën jashtë të veshur me kostume zhytjeje dhe u hodhën në lumin Spree. Dy prej tyre notuan me sukses në Berlinin Perëndimor, ndërsa i treti u kap nga një varkë patrullimi gjermanolindore dhe u burgos.
Mijëra njerëz mundën të arratiseshin nga Berlini Lindor drejt lirisë, por të paktën 140 u vranë në përpjekje e sipër përgjatë dekadave sa qëndroi muri, nga viti 1961 deri më 1989.
Geoffrey ishte personi i fundit që u qëllua për vdekje derisa përpiqej të ikte nga Berlini Lindor pasi bëri një vrapim të vrullshëm drejt murit në shkurt të vitit 1989. Muri i Berlinit u rrëzua, duke i dhënë fund mbretërimit të regjimit komunist të Gjermanisë Lindore, më 9 nëntor 1989.
