Kryetari i Lidhjes Demokratike të Kosovës, Lumir Abdixhiku, gjatë një tubimi në qytetin e Shtimes, është deklaruar kundër doracakut të përfolur ditëve të fundit, për Edukatën Seksuale në shkolla.
Ai ka thënë se LDK dhe populli i Kosovës nuk i toleron ata që promovojnë të pazakonshmen mes familjes kosovare.
“Ata që konsiderojnë eksperimente sociale me fëmijët tanë nëpër shkolla, e që promovojnë të pazakonshmen mes pasurisë sonë më të madhe kombëtare, vet familjes kosovare, kam dy mesazhe: Mbani duart larg prej familjes, mbani duart larg fëmijëve tanë në Kosovë. LDK nuk ju lejon, LDK nuk ju toleron, populli i Kosovës nuk lejon, nuk ju toleron,asnjëherë për asnjë ditë, për asnjë moment”, ka deklaruar Abdixhiku.
