Organizata Human Rights Watch (Human Rights Watch-HRW) deklaron në një raport të ri se urdhrat e evakuimit të ushtrisë izraelite në Rripin e Gazës, të cilat çojnë në zhvendosjen e detyruar të popullsisë, përbëjnë një krim lufte.
“HRW ka mbledhur prova se zyrtarët izraelitë po kryejnë krimin e luftës të zhvendosjes me forcë të civilëve”, thuhet në raportin e organizatës joqeveritare të publikuar sot.
Raporti tha se “veprimet izraelite gjithashtu duket se plotësojnë përkufizimin e spastrimit etnik” në zonat ku ushtria ka urdhëruar palestinezët të largohen dhe ku ata nuk do të mund të kthehen.Autoritetet izraelite u bëjnë thirrje banorëve të pjesëve të tëra të territorit që të evakuohen për shkak të operacioneve ushtarake, duke theksuar se në këtë mënyrë po kontribuojnë në mbrojtjen e civilëve.Kombet e Bashkuara vlerësuan se në tetor kishte 1.9 milionë banorë të zhvendosur në Rripin e Gazës. Në total, në atë territor në fillim të luftës midis Izraelit dhe Hamasit kishte rreth 2.4 milionë banorë.
