Roma e ka emëruar si trajner Claudio Ranierin, ka njoftuar klubi italian të enjten.
Ky vendim vjen pas një fillimi të keq të sezonit, ku deri tash janë shkarkuar dy trajnerë, Daniele De Rossi dhe Ivan Jurici. Aktualisht, Roma renditet në pozitën e dymbëdhjetë në Serie A, ndërsa Napoli kryeson kampionatin me njëzet e gjashtë pikë.
“Roma ka kënaqësinë të njoftojë se Claudio Ranieri është menaxheri i ri teknik i ekipit të parë. Në fund të sezonit ai do të marrë një rol drejtues të lartë: ai do të jetë një konsulent i Pronarëve për të gjitha çështjet sportive të klubit. Kërkimi për një trajner të ri do të vazhdojë edhe në muajt në vijim dhe për këtë vendim do të ketë fjalën edhe Claudio”, thuhet në njoftimin e Romës.
