Shkruan: Shenoll MUHARrEMI
Unë nuk jam i mirë me numra të zgjedhjeve. Tek tash kam fillu me i mësu dhe me i studiju më shumë. Këto ditë i kam shkarku të gjitha të dhënat e zgjedhjeve edhe kohë pas kohe po lexoj e analizoj që me i kuptu sa më shumë sjelljet dhe trendet gjatë dy dekada e gjysmë. Kjo nënkupton që nuk jam nga ata që janë të mirë e ja qëllojnë numrave.
Por nëse dikush më kishte pyet, në bazë të eksperiencës dhe kohës që e përcjelli punën e qeverisë dhe partive politike, politikat publike dhe trendet në vend dhe jashtë… ndoshta ky kishte me qenë ‘supozimi im më i mirë’.
Tash është ende herët dhe ka me pas ende ndryshime, kështuqë kur publikohen numra, kjo nënkupton për javën apo periudhën kur janë publikuar. Gjithashtu e kemi pa si variojnë trendet gjatë fushatës, se aty krijohen fryma të reja.
Megjithatë, pasiqë jemi njerëz të lirë dhe mundemi me bë çka të kemi dëshirë (derisa nuk e ofendojme apo lendojme tjeterin), sot i kam shiqu të dhënat, dhe nga dija ime më e mirë (e që nuk dmth që është e sakta apo e duhura apo më e mira), kështu ndoshta do të ishin dukur vlerat e rezultateve për tri partitë kryesore.
Supozimi bazohet në faktin që partitë politike në pushtet amortizohen. E në vende ku kërkesat dhe nevojat janë të larta (pritjet) e resurset të kufizuara.. aty kur je në pushtet zakonisht pëson rënie. Kështuqë supozimi bazë është që partia në pushtet, e cila ka pas rritje abnormale, do të korrektohet, derisa dy partitë kryesore opozitare do të rikuperohen.
Eh, megjithatë, sovrani kur del aty te kutia e votimit nuk ti pyet letrat e çka mendojmë ti a unë. Sidomos ne shpesh jemi në një fluskë (bubble) dhe ndikohemi nga rrethi ynë ku jetojmë, punojmë dhe socializohemi. Realiteti dhe kuptueshmëri e perspektivat munden me qenë tjera për njerëzit tjerë.
Mos te zgjati më shumë! Askush nuk më pyeti, por po e publikoj këtë grafikon ku i kemi të gjitha të dhënat, me i pa trendet e tri partive kryesore nga të gjitha zgjedhjet. Gjithashtu, si kosovar shqiptar që jam, nuk e lash pa e përfshi edhe një parashikim aty!
