Komisioni për Buxhet po shqyrton projektligjin mbi ndarjet buxhetore për Buxhetin 2025. Kryetari i Komisionit për Buxhet, Armend Muja tha se me këtë buxhet parashihet të shpenzohet 3.6 miliardë euro, i ofrohet prioriteteve që i ka vendi.
Muja tha se me këtë buxhet parashihet të shpenzohet 3.6 miliardë euro, i cili bazohet kryesisht në të hyrat buxhetore ku kap shifrën 3 miliardë e 305 milionë euro, që sipas tij është një rritje diku rreth 15 % të të hyrave. Ai më tej tha se në të kaluarën ka pasur rritje në masën 4 % aq sa ka pasur rritje ekonomike, derisa tani kemi rritje buxhetore larg rritjes ekonomike.
Ai tha se shpenzimet që parashihen të bëhen në vitin 2025, janë 74.3% më shumë se në vitin 2019. Sipas tij, shpenzimet në kategorinë e pagave dhe shtesave parashihen të jenë 916 euro; shpenzimet në transfere e subvencione parashihen të shpenzohet afro 2 miliardë euro. Ndërsa për komunat Muja bëri të ditur se parashihen të shpenzohen rreth 788 milionë euro.
Muja mes tjerash tha se ky buxhet i propozuar nuk i përmbush të gjitha kërkesat, por i ofrohet prioriteteve që i ka vendi.
Deputeti nga PDK, Mërgim Lushtaku, kritikoi procedimin në mënyrë të shpejtë të këtij projektligji, që, sipas tij, sa është tragjike, aq edhe qesharake, sepse “kjo prek drejtpërdrejt jetën e qytetarëve”.
Ai bëri thirrje në mbështetje të disa propozimeve të deputetëve të këtij komisionin që do të kenë impakt të drejtpërdrejt te qytetarët e vendit dhe do të jetë në të mirë të institucioneve shtetërore.
Ndërsa propozimi i deputetit të AAK-së, Besnik Tahiri për rritjen e pagës në vlerë prej 110 euro, ministri Murati e vlerësoi si joserioze, teksa sqaroi se rritja e pagës është bërë më parë në Ligjin për pagat, në dy këste, duke filluar në janar kositi i parë dhe në qershor kësti i dytë.
Ndaj tij reagoi deputeti Pal Lekaj, i cili tha se më hajgare dhe më joserioze se ju që keni bërë si qeveri me këtë buxhet, nuk di se cila qeveri ka bërë.
Lekaj kritikoi ministrin Murati edhe për mosmiratimin e kërkesës së administratës se Kuvendit për rritje pagash, derisa bëri të ditur se ministri po shkel ‘Ligjin për buxhetin’, duke shtuar se po jep hapësirë për ta dërguar ligjin në Gjykatën Kushtetuese.
