Kryeminsitri Kurti duke prezantuar skemën Mbështetja e punësimi për familje në asistencë sociale, tha se po realizohet programi i cili synon barazinë dhe nxitjen e punësimit. Ai tha se me këtë reformë, jo vetëm që punësimi do të zgjasë për 6 muaj, por njëkohësisht nxit qëndrueshmërinë ë punësimit edhe pas një periudhe shtesë prej 6 muajsh.
Qeveria e Kosovës ka bërë lansimin e masës për mbështetjen e punësimit për anëtarët e aftë për punë të familjeve përfituese nga pilotimi i reformës së asistencës sociale.
Përveç kryeministrit Kurti, në lansimin e kësaj skeme mori pjesë edhe ministri i Financave, Punës dhe Transfereve, Hekuran Murati, si dhe drejtori i Bankës Botërore për Kosovë dhe Maqedoninë e Veriut, Massimiliano Paolucci.
Kryeministri Kurti për lansimin e projektit të reformës së asistencës sociale, tha se po realizohet një program i cili synon barazinë dhe nxitjen e punësimit, që ishte premtuar.
“Premtimi për reformë që pikësynim ka barazinë shoqërore e kemi realizuar duke hequr kriteret diskriminuese dhe duke prezantuar teste të reja të varfërisë, ku si rezultat në fillim të këtij muaji 1824 familje në nevojë përfituan mbështetje financiare, duke u bërë kështu pjesë e grupit të parë të përfituesve”, tha Kurti.
Ndërsa për nxitjen e punësimit, si premtim i dytë, kryeministri Kurti tha se po realizohet duke mos e larguar automatikisht nga skema ata që punësohen, por, sipas tij, duke inkurajuar dhe mbështetur integrimin e tyre në tregun e punës.
“Nëse në të kaluarën familjet në asistencë sociale, punësimin e kanë pasur si kërcënim për largim nga skema e asistencës sociale, sot duhet ta shohin si mundësi që të sigurojnë të ardhura të nevojshme për të mospasur më nevojë për skemën”, deklaroi Kurti.
Ai bëri të ditur se punësimi për familje në asistencë sociale, e cila realizohet në dy faza, ku në fazën e parë realizohet në 70% të pagës së punëtorit për 6 muaj me radhë dhe si mbështetje shtesë, nëse punësimi vazhdon edhe 6 maj të tjerë punëdhënësi do të përfitojë gjithashtu pagesë të njëhershme.
Kryeministri Kurti ishte kritik në qasjen ndaj familjeve në asistencë, në të kaluarën , ku, sipas tij, ka pasur kritere diskriminuese, që kanë bërë të mundur largimin e qytetarëve nga skema e asistencës sociale edhe kur punësimi i tyre kishte zgjatur vetëm një muaj.
Kryeministri Kurti, mes tjerash, tha se me këtë reformë jo vetëm që punësimi do të zgjasë për 6 muaj, por njëkohësisht nxit qëndrueshmërinë e punësimit edhe pas një periudhe shtesë prej 6 muajsh.
Ndërsa drejtori i Bankës Botërore për Kosovë dhe Maqedoninë e Veriut, Massimiliano Paolucci, thase përmirësimi i cilësisë së jetës për njerëzit në Kosovë, është prioritet për Bankën Botërore, derisa shtoi se parimet udhëzuese për të mbështetur Qeverinë e Kosovës, si dhe mbrojtjen e sistemit social është vendimtare për të arritur objektivat e përbashkëta.
Investimi nuk është vetëm përgjithësi morale por strategji e qëndrueshme. Kjo dëshmon përmirësimin e ndihmës sociale e po ashtu e rrisin edhe punësimin për të nxjerrë nga kriza siç ishte pandemia. Ky pilot-projekt shënon një hap të rëndësishme për të fuqizuar skemën shoqërore”, ka deklaruar Paolucci.
