Këto dy përzgjedhje vitet e fundit kanë zhvilluar disa përballje të ashpra që kanë qenë të mbushura me incidente dhe të gjithë shpresojmë që ndeshja e sotme të mos ofrojë diçka të ngjashme.
Por nisi me një flamur skandaloz të ngritur nga tifozët serbë. Në fokus të rubrikës së tifozëve të ftuar është flamuri mbi të cilin shahen futbollistët me origjinë shqiptare, të cilët kanë qenë gjithmonë të shumtë në skuadrën zvicerane dhe sonte ata drejtohen nga kapiteni Granit Xhaka.
Foto: Reuters
Në flamurin krejtësisht skandaloz të tifozëve serb aludohet se një shqiptar ka kryer marrëdhënie seksuale me një dhi, që është një fyerje e vazhdueshme e serbëve në kurriz të popullit shqiptar.
UEFA-s do t’i duhej patjetër t’i jepte fund gjërave të tilla dhe nuk ka dyshim se serbët janë para një dënimi të rëndë. Arbitri kryesor i ndeshjes është Clement Turpin dhe mesa duket kjo foto nuk i ka mbërritur.
Foto: Reuters
Ndryshe, Zvicra dhe Serbia po luftojnë për mbijetesë në shoqërinë e Ligës më të mirë të Kombeve, por edhe për play-off eventual, për të cilin Serbia ka shanse më të mira duke konsideruar katër pikë para kësaj ndeshjeje, ndërsa zviceranët vetëm një. Fituesi i kësaj ndeshje do të ketë një avantazh të madh në raundin para përfundimit të grupit.
