Komisioni për Buxhet, Punë dhe Transfere e ka votuar raportin vjetor të Radio Televizionit të Kosovës për vitin 2023.
Ky votim u bë në mbledhjen e sotme derisa diskutimi i raportit ishte bërë gjatë dy mbledhjeve të këtij komisioni gjatë këtij viti.
Në këtë mbledhje kaloi edhe raporti vjetor financiar i Agjencisë Kosovare të Privatizimit për vitin 2023, diskutimet për të cilën pikë kishin përfunduar në qershorin e këtij viti.
Ndërkohë, nuk u miratua raporti vjetor financiar i Komisionit të Pavarur për Media për vitin 2023 e as ai i Autoritetit Kosovar të Konkurrencës, po për vitin 2023.
Ndërkaq, votimi i raportit vjetor të Organit Shqyrtues të Prokurimit Publik për vitin 2023 do të bëhet vetëm pasi të votohet një rezolutë e cila do të përfshijë vërejtjet e të gjithë deputetëve të transkriptuara çka mbeti të ndodhë në mbledhjen e radhës të këtij komisioni.
