Elvir Gashijani vlerësohet prej lojtarëve më të talentuar në vend. Ai është futbollist i Llapit dhe po paraqitet me sukses edhe te skuadra llapjane.
Gashijani të shtunën e shënoi golin e fitores 4:3 për Kosovën U19, në minutën e 93-të.
Pas ndeshjes theksoi se është shumë i emocionuar që realizoi ndaj Spanjës, kampiones në fuqi të Evropës për grupmoshën U19.
“Jam shumë i emocionuar për golin që e kam shënuar në minutat e fundit kur rezultati ishte 3:3. Unë e bëra 4:3. Ishte emocionuese dhe jam i gëzuar sidomos për stafin dhe shokët, për të gjithë. E kemi bërë të gjithë maksimumin, nga pjesa e parë, si unë ashtu edhe shokët e mi. Edhe në pjesën e dytë kur hymë e kemi bërë maksimumin. E kemi merituar fitoren”, deklaroi Gashijani për FFK-në.
