Në ditën e parë të Kampionatit 2-të Individual Mbarëkombëtar, pas fjalëve të rastit të Kryetarit të Federatës së Pingpongut të Kosovës z.Nehat Çitaku dhe Sekretarit të Përgjithshëm të Federatës Shqiptare të Pingpongut z. Tonin Binoshaj, filluan ndeshjet e çifteve të përziera ku pas shumë ndeshjeve të forta, në finale nesër do të përballen Kreshnik Mahmuti me Shega Hashanin kundër Fatih Karabaxhak me Taibe Ruli. Ndërsa për vendin e tretë do të përballen Rrahman Ademaj me Leoresa Imeri kundër Aron Koni me Samanda Agolli.
Më pas u zhvilluan ndeshjet individuale në fazën e grupeve, të ndarë në 4 grupet e meshkujve dhe 4 grupet e femrave, për të përcaktuar çerekfinalistët për meshkuj dhe për femra që do të përballen nesër.
Në fund të ditës, u zhvilluan edhe çiftet e meshkujve dhe çiftet e femrave ku u bënë të ditur finalistët që nesër do të përballen me njëri- tjetrin.
Në kategorinë e çifteve meshkuj, në finale do të përballen Fatih Karabaxhak dhe Kreshnik Mahmuti me Rrahman Ademaj dhe Murat Kurtulus. Për vendin e tretë, përballen Klejdi Kalaja dhe Jonus Tufa me Ilia Kote dhe Etjen Qoshja.
Alma Mehmeti dhe Leoresa Imeri do të përballen në finale me Emirjeta Isufi dhe Samanta Agolli, ndërsa për vendin e tretë do të përballen Lenë Osmani dhe Taibe Ruli me Liridona Rexhaj dhe Elionela Hasani.
Në përgjithësi, dita e parë u zhvillua në frymë miqësore në mes të lojtarëve dhe pjesëmarrësve, duke e përmbushur kështu edhe qëllimin e organizimit të këtij kampionati. /Kosovatimes/
