Manchester City po synon të zgjasë kontratën e yllit norvegjez, Erling Haaland.
Aktualisht, Haaland përfiton 375 mijë funta në javë me një marrëveshje që zgjat deri në vitin 2027. Sipas “Daily Star”, City planifikon t’i rrisë pagën në 500 mijë funta në javë dhe ta zgjasë kontratën deri në vitin 2029.
Pas ofertës fillestare, drejtuesit e klubit janë optimistë për arritjen e një marrëveshje, duke pasur parasysh reagimin pozitiv të agjentes së futbollistit, Rafaela Pimenta.
Pengesa e vetme mbetet klauzola e blerjes së sulmuesit. Aktualisht e vendosur në 150 milionë funta, City dëshiron ta rrisë atë mbi 200 milionë funta.
