Në një mbledhje elektronike, Qeveria e Republikës së Kosovës ka miratuar dy nisma të rëndësishme për bashkëpunim me Maqedoninë e Veriut. E para lidhet me protokollin për implementimin e marrëveshjes për pikat e përbashkëta kufitare Hani i Elezit – Bllacë dhe Glloboqicë – Jazhincë. Ndërsa e dyta ka të bëjë me një Memorandum Mirëkuptimi në sektorin e energjisë, që synon forcimin e bashkëpunimit sipas strategjive kombëtare të të dyja vendeve.
Komunikata e plot:
Qeveria e Republikës së Kosovës ka mbajtur mbledhje elektronike në të cilën ka miratuar:
– Nismën për lidhjen e Protokollit ndërmjet Qeverisë së Republikës së Kosovë dhe Qeverisë së Republikës Maqedonisë së Veriut për Implementimin e Marrëveshjes në mes të Qeverisë së Republikës së Kosovës dhe Qeverisë së Republikës së Maqedonisë së Veriut për Pikat e Përbashkëta të Kalimit Kufitar Hani i Elezit – Bllacë dhe Glloboqicë – Jazhincë.
– Nismën për lidhjen e Memorandumit të Mirëkuptimit ndërmjet Ministrisë së Ekonomisë të Republikës së Kosovës dhe Ministrisë së Energjisë, Minierave dhe Burimeve Minerale të Republikës së Maqedonisë së Veriut, në Sektorin e Energjisë në përputhje me politikat dhe strategjitë e tyre. /Kosovatimes/
