Deputetja e Lidhjes Demokratike të Kosovës (LDK), Hykmete Bajrami, ka publikuar akuza të ashpra kundër një zyrtari që ajo e quan “Taulant”, duke e lidhur atë me keqpërdorime serioze të fondeve publike gjatë viteve të fundit.
Në një deklaratë të saj, Bajrami theksoi se ky individ, djali i ish-drejtorit të Arsimit në Pejë, ka përfituar në mënyrë të padrejtë përmes një kompanie private të regjistruar në vitin 2010.
Sipas saj, kompania e Taulantit ka marrë tenderë direkt nga drejtoria e udhëhequr nga babai i tij, duke përfituar nga konfliktet e interesit. Ajo përmendi disa raste konkrete, përfshirë:
Tenderin për shtrimin e rrugës për Nabërgjan: Rrugë që, sipas Bajramit, nuk është shtruar kurrë, ndonëse pagesat janë kryer.
Renovimin e objektit B të Shkollës Ekonomike: Në këtë projekt, dritaret e plastikës të parapara në kontratë janë zëvendësuar me dritare druri të ngjyrosura, duke mos respektuar kushtet teknike të tenderit.
Furnizimin me dru për ngrohje për shkollat e Pejës: Bajrami pretendon se shkollat janë lënë pa ngrohje për muaj të tërë, pavarësisht se pagesat për furnizim janë kryer.
Bajrami deklaroi se këto raste janë vetëm maja e ajsbergut dhe se qytetarët kanë të drejtë të dinë më shumë për këto skandale. Ajo e përshkroi qeverinë e Albin Kurtit si një kabinet që ka akomoduar individë të korruptuar.
“Nuk ka të korruptuar në këtë vend që Albin Kurti nuk e ka akomoduar në kabinetin e tij. Qeveria Kurti dhe kabineti i tij janë ajka e hajnave të kësaj shoqërie,” tha Bajrami.
Përfundimisht, Bajrami i bëri thirrje publikut të kërkojë transparencë dhe llogaridhënie nga zyrtarët qeveritar duke theksuar se korrupsioni nuk mund të tolerohet në asnjë nivel të qeverisjes.
“Paswordi: LVV”, ka shkruar ajo. /Kosovatimes/
