Aktivisti i çështjes kombëtare, Halil Geci, ka bërë publike kërkesën e tij për takim me Kryeministrin Albin Kurti, të cilën e kishte dorëzuar më 9 tetor 2024, por ende nuk ka marrë përgjigje.
Ai shpreh shqetësimin se heshtja ndaj kërkesës së tij mund të interpretohet si mbështetje ndaj Komunikatës nr. 59, e cila ka dëmtuar rëndë familjen e tij, duke përfshirë akuza të rënda ndaj vëllait të tij, Ganiut.
Në një letër publike, Geci kërkon sqarime dhe mirëkuptim për një çështje që ai e konsideron jetike për nderin e familjes së tij. /Kosovatimes/
