Vladimir Dzhabarov, një ligjvënës rus, tha se lejimi i Ukrainës për të sulmuar thellë në Rusi me raketa të furnizuara nga SHBA mund të çojë në një luftë të tretë botërore.ipas agjencisë shtetërore të lajmeve TASS, përgjigja ruse do të jetë “e shprehur”.
Administrata e presidentit amerikan Joe Biden do të lejojë Ukrainën të përdorë armët e ofruara nga SHBA për të sulmuar thellë në territorin rus.
Ukraina planifikon të nisë sulmet e saj të para me rreze të gjatë në ditët në vijim, i thanë burimet Reuters në kushte anonimiteti për shkak të shqetësimeve të sigurisë operacionale.
Ky veprim i Joe Biden vjen në një kohë kur ai po përgatitet të largohet nga zyra e Presidentit të SHBA-së, ndërsa presidenti i sapozgjedhur Donald Trump do të marrë detyrën më 20 janar.
Shtëpia e Bardhë nuk i komentoi raportet, por presidenti ukrainas Volodymyr Zelensky tha se raketat “do të flasin vetë”.”Sot shumë në media po thonë se kemi marrë leje për të ndërmarrë veprimet e duhura. Por ne nuk sulmojmë me fjalë. Këto gjëra nuk lajmërohen. Raketat do të flasin vetë”, tha ai.
