Dhjetë persona, duke përfshirë dy fëmijë, u vranë dhe 52 u plagosën mbrëmjen e djeshme kur një raketë ruse goditi një ndërtesë banimi në qytetin verilindor të Ukrainës, Sumy, thanë shërbimet ukrainase të urgjencës dhe ushtria.
Shërbimet e urgjencës ukrainase njoftuan përmes kanalit Telegram se ndodhen në vendin e aksidentit dhe po ndihmojnë viktimat. Më shumë se 400 njerëz u evakuuan.
Sulmi në Suma pasoi sulmet e mëngjesit të Rusisë në rrjetin elektrik të Ukrainës. Në sulmin më të madh ajror në pothuajse tre muaj, Rusia lëshoi 120 raketa dhe 90 dronë në Ukrainë, duke vrarë shtatë persona dhe duke shkaktuar dëme të mëdha në rrjetin elektrik.
