Presidentja e Komisionit Evropian, Ursula von der Leyen, tha sot, me rastin e shënimit të 1000 ditëve nga fillimi i luftës në Ukrainë, se BE-ja do të jetë në anën e Ukrainës për aq kohë sa të jetë e nevojshme dhe se vendi ” një ditë, që nuk është edhe aq larg”, do të jetë pjesë e Unionit.
Ajo tha se sot është ditë zie, por edhe ditë premtimi.
“1000 ditë më parë Rusia u përpoq të fshinte Ukrainën nga harta. Dhe për 1000 ditë Rusia dështoi për shkak të rezistencës së Ukrainës dhe sakrificës së heronjve tuaj. Sot është ditë zie, por edhe ditë premtimi. Ne premtojmë të jemi pranë jush për aq kohë sa duhet”, theksoi Von der Leyen.
