Kryetari i Lidhjes Demokratike të Kosovës (LDK), Lumir Abdixhiku, e përmbylli mbrëmjen me vizita në Isniq të Deçanit dhe Vranoc të Pejës, ku u prit ngrohtësisht nga kryefamiljarë në oda të mbushura. Abdixhiku theksoi rëndësinë e takimeve me qytetarët në mjedise familjare duke i cilësuar si thelbësore për kthimin e LDK-së tek identiteti i saj i vërtetë.
Ai deklaroi se qëndrimi mes njerëzve ka qenë gjithnjë burim force dhe mbështetje për partinë, ndërsa devijimet nga ky parim kanë sjellë pasoja të rënda në të kaluarën. Abdixhiku nënvizoi se rikthimi i LDK-së tek populli po e forcon partinë dhe po siguron mbështetjen e nevojshme për ndryshimin e vendit.
“E djathta po bashkohet, mbështetja popullore po rritet, dhe ndryshimi po vjen,” përfundoi Abdixhiku duke shprehur optimizmin për një të ardhme të re për LDK-në dhe Kosovën. /Kosovatimes/
