Është bërë hapja solemne e Selisë Qendrore të Shoqatës Humanitare Bamirëse “Bereqeti”, ku mori pjesë edhe kryeministri i vendit, Albin Kurti.
Kryeministri Kurti theksoi se në kuadër të Pakos së Ringjalljes Ekonomike Shoqatën Humanitare ‘Bereqetin’, ndër të tjera, e kanë mbështetur me 395 mijë euro për shpërndarjen e pakove ushqimore për familjet në nevojë.
Përurimi i ambienteve të punës për humanitetin po bëhet bashkëkohor, me pjesëmarrjen e miqve nga Katari dhe kryeministrit Albin Kurti. Mbështetje të mëtutjeshme e shoqatës humanitare bamirëse ?Bereqeti? ndërsa mirëqenia për rastet sociale dita – ditës po përmirësohet
“Kosova dhe populli i sajë falënderon qeverinë e Katarit dhe shoqata të shumta të Katarit për ndihmën e ofruar për popullin e Kosovës gjatë luftës dhe pas luftës ne fusha të ndryshme”, tha Naim Tërnava, kryetar i BIK-ut.
Bamirësia nuk e dobëson, ajo shumëfishon dhe forcon, tha kryeministri Kurti.
“Bamirësia nuk është thjeshtë për ata që e marrin, por edhe për ata që e japin. Në fund të fundit, ajo që japim është ajo që mbetet një trashëgimi që nuk fshihet kurrë. Mirënjohje e thellë shtetit të Katarit, BIK-ut, e të gjithëve bashkë, secilit e secilës na u shtoftë bereqeti”, tha Kurti.
Mysafirët nga Katari, mbështetjen e argumentojnë mbi domosdoshmërinë e krijuesit për mirëqenien e rasteve në nevojë.
“Jemi të nderuar që jemi pjesëmarrës në inaugurimin e këtij projekti të rëndësishëm, të jetë vakaf për krijuesin e lartësuar, të cilin e ka investuar Ministria e Vakfit dhe çështjeve fetare të Katarit, ndërsa është për t’i përgëzuar për bashkëpunim Bashkësinë Islame me institucionet e Kosovës”, tha Muhamed al Menai, përfaqësues i shtetit të Katarit.
Humanistë të “Bereqetit” thonë se uljen e shifrave me gjendje të rëndë socio-ekonomike do ta realizojnë në bashkëpunim me donatorë ndërkombëtarë, biznese dhe njerëz të vullnetit të mirë të vendit, si dhe me donatorë bashkëkombës nga mërgata dhe institucionet e vendit.
