Pasi Donald Trump u rizgjodh president i SHBA-ve në zgjedhjet e mbajtura më 5 nëntor, disa amerikanë janë të pakënaqur me rezultatet e zgjedhjeve dhe fshati Ollolai në Sardenjë, i cili prej vitesh po përballet me një rënie të popullsisë, njohu një mundësi për rimëkëmbje e mundshme.
Vetëm dy javë pasi Trump mundi Kamala Harris në garën për Shtëpinë e Bardhë, fshati italian Ollolai, në ishullin e Sardenjës, bëri një ofertë joshëse për emigrantët e mundshëm duke ofruar shtëpi të braktisura për vetëm një euro.
Domethënë, ata shkuan një hap më tej dhe hapën një uebsajt të veçantë, të destinuar për amerikanët, ku mund të shikojnë ofertën e shtëpive të lira. Në fakt, qëllimi i tyre është të tërheqin ata që nuk janë të kënaqur me rezultatin e zgjedhjeve dhe t’i inkurajojnë ata të lëvizin në këtë vendbanim paqësor të Sardenjës.
“Sigurisht, të gjithë janë të mirëpritur, por amerikanët do të kenë përparësi dhe një procedurë më të shpejtë”, tha ai, i bindur se ata do të jenë çelësi i ringjalljes së fshatit.
Shtëpitë e gatshme për banim shiten me çmime deri në 100.000 euro. Gjithashtu, është organizuar një ekip që do të ndihmojë të gjithë blerësit potencial gjatë gjithë procesit të blerjes së një shtëpie të re.
Aktualisht, pak më shumë se 1100 banorë jetojnë në Ollolai.
