Trajneri i Kombëtares së Shqipërisë, Sylvinho ka komentuar disfatën me Ukrainën që e dërgoi Shqipërinë në vendin e fundit në grup, njëkohësisht dhe rënie në Ligën C.
“Humbëm sepse bëmë shumë keq në 15 minuta, pranuam gol në minutën e 4-ët dhe të 9-të, paguam një çmim të lartë. Një vit më parë morëm vendin e parë në kualifikueset e Evropianit, të gjithë kemi bërë mirë. Sot përfunduam në vend të fundit, nuk kemi bërë mirë, si unë ashtu dhe lojtarët”, tha ai.
“Nëse është mirë, është mirë për të gjithë. Nëse nuk është mirë, nuk është mirë për të gjithë. Duhet të përmirësohemi, nuk mund të pësojmë dy gola kaq shpejt. Është shumë e vështirë të përmbysësh një ndeshje kështu”.
“Pjesa e dytë? Nuk është e vërtetë, ata u tërhoqën shumë, kishin avantazhin e dy golave. Ne morëm lojë dhe për pak barazuam”, ka theksuar Sylvinho.
