Pas konferencës dhe ceremonisë së nënshkrimit të Deklaratës kundër dhunës ndaj grave në politikë nga ana e anëtareve të Grupit të Grave Deputete, ditë më parë në Prishtinë, sot në Kuvendin e Kosovës ka vazhduar nënshkrimi i saj nga deputetë të tjerë.
Sipas njoftimit nga Kuvendi, Deklarata u nënshkrua nga kryetarja e Grupit të Grave Deputete, Tinka Kurti dhe deputetë të tjerë nga radhët e të gjitha grupeve parlamentare, duke dhënë mesazhin e luftës kundër dhunës ndaj grave në sferën politike.
Deklarata është cilësuar si hap i rëndësishëm për të luftuar dhunën dhe për të fuqizuar pjesëmarrjen e grave në politikë, duke inkurajuar kështu gratë e reja për të hyrë në politikë, si dhe për të siguruar një mjedis të përshtatshëm dhe mbështetës për to.
