Deputetja e LDK-së Hykmete Bajrami ka shkruar se janë 112 amendamente të propozuara nga opozita e të cilat nuk kanë marr mbështetje në Komisionin për Buxhet dhe si të tilla, sipas saj, nuk do të kalojnë as në seancë.
Ajo ka vënë theksin te kalimi i amendamentit të 6 me të cilin sipas saj i ndahen 3 milion euro ministrisë që drejtohet nga Elbert Krasniqi, që Bajrami i ka quajtur si bakshish për ministrin.
“3 milionë euro bakshish për Elbert Krasniqin. Deputetët e LVV-së sapo votuan amendamentin 6, me të cilin Ministrisë që udhëheqë Elbert Krasniqi i ndahen 3 milionë Euro. Pra 3 milionë euro për subvencione për ministrin që mediet kanë raportuar që po hetohet për keqpërdorim të 300 mijë eurove. Janë 112 amendamente të opozitës të cilat nuk kanë marrë mbështetje në Komisionin për Buxhet dhe të tillë nuk kalojnë as në seancë”, ka shkruar Bajrami. /Kosovatimes/
