Zëvendësministri i Mjedisit, Planifikimit Hapësinor dhe Infrastrukturës, Hysen Durmishi ka reaguar pas reshjeve të borës. Ai ka thënë se ekipet e mirëmbajtjes janë mobilizuar dhe janë në terren për largimin e borës.
Në një postim në Facebook, Durmishi ka apeluar për kujdes gjatë vozitjes duke respektuar rregullat dhe kushtet klimatike.
“Reshjet e borës po vazhdojnë dhe pritet që të ketë reshje më të mëdha orëve në vazhdim. Ekipet e mirëmbajtjes janë mobilizuar dhe janë në teren për tu kujdesur që rrugët të jenë të kalueshme. Ju lutemi që të keni kujdes gjatë vozitjes duke respektuar rregullat dhe përshtatur kushteve klimatike. Personalisht kam vizituar disa rrugë dhe aktualisht ndodhem në Mitrovicë. Do të jemi vazhdimisht në gatishmëri që rrugët tona të jenë të hapura për lëvizjen sa më të lehtë për ju”, ka shkruar ai në Facebook. /Kosovatimes/
