Eraj Temaj është dënuar me dy vite burgim pasi është shpallur fajtor për aksidentin që kishte ndodhur në maj të 2022-ës ku kishte vdekur 23-vjeçari.
Aksidenti kishte ndodhur në maj të 2022-ës derisa vdekja e J.T kishte ndodhur më 16 korrik 2022 nga gjakderdhja në tru.
Pos dënimit me dy vite burgim ndaj të akuzuarit Temaj, gjyqtarja Rracaj ka shqiptuar dënimin plotësues, marrjen e lejes së vozitjes për periudhën 2 vjetarë pas plotëfuqishmërisë së aktgjykimit.
Sipas gjetjeve të gjykatës, mbrojtja e të akuzuarit është përpjekur t’iu shmanget, mohojë dhe zvogëlojë përgjegjësinë penale por se mbrojtja e tij nuk qëndron, është kontradiktore dhe aspak bindëse.
Tutje, sipas raportit të autopsisë, ishte konstatuar se vdekja e tani të ndjerit J.T.,, ishte vdekje e dhunshme e cila kishte ardhur si rrjedhojë e gjakderdhjes që kishte ardhur si pasojë e kockave të thyera të kokës.
Sipas gjetjeve të gjykatës, i akuzuari kishte bërë nisje të pasigurt me veturën BMW, në raport me viktimën, si dhe kishte konstatuar se viktima kishte vrapuar dhe kishte hipur mbi bagazhin e veturës në fjalë dhe vozitësi Eraj Temaj, nuk e vëren fare personin që e ka mbi veturë, fillon me nxitim të vepruar dhe më pas bie në asfalt.
