Rahoveci është mundur nga skuadra rumune Minaur Baia Mare me rezultat 38:31, të shtunën mbrëma në palestrën “Mizahir Isma”, në sfidën e parë të rundit të tretë të Kupës Evropiane.
Dueli mes kampionit të Kosovës dhe skuadrës rumune, është luajtur në një atmosferë madhështore të krijuar nga mbi tifozë të skuadrës sonë.
Skuadra e madhe rumune ishte favorite dhe e arsyetoi këtë me paraqitje.
Minaur Baia Mare ishte në epërsi gjithë kohën, por rahovecasit nuk ndalën përpjekjet për rezultat sa më të favorshëm. Në fund dallimi ishte shtatë gola.
Portieri Arbër Curri u dallua te Rahoveci me 14 pritje. 9 gola nga 15 tentime i kishte Egzon Gjuka derisa 6 gola nga 9 tentime i kishte Victor Alonso. Stefan Atanasovski i realizoi 4 gola nga 4 tentime.
Në përgjithësi ishte një shfaqje e bukur hendbolli e zhvilluar nën masa të rrepta sigurie dhe pa asnjë incident.
Ndeshja e kthimit luhet pas një jave në Rumani. /Kosovatimes/
