Gazetari Adriatik Kelmendi ka reaguar ndaj një grafike të publikuar nga Qeveria Kurti, duke e cilësuar si një gabim të rëndë komunikimi publik.
Sipas tij, krahasimi i qeverisë aktuale me të kaluarën duke theksuar “ne keq, por ka pasur edhe më keq” është mesazh dëshpërues për qytetarët.
“Grafika po tregon se përpara kryesisht paska qenë më mirë se tash dhe se kjo qeveri po krahasohet me rastet e izoluara të së keqes nga e kaluara,” tha Kelmendi, duke e konsideruar këtë qasje një “katastrofë” që dëmton besimin e qytetarëve.
Ai ka apeluar që gara e një qeverie të fokusohet në arritjen e standardeve më të larta, jo në justifikime me të kaluarën. /Kosovatimes/
