Analisti Shenoll Muharremi ka adresuar kritika të ashpra ndaj Qeverisë Kurti dhe Lëvizjes Vetëvendosje (VV), duke theksuar se qytetarët i votuan për ndryshim rrënjësor, jo për krahasime me qeveritë e kaluara.
Ai ka deklaruar se VV erdhi në pushtet me premtimin për integritet të lartë, jo për të qenë thjesht “pak më të mirë në numra.”
Sipas tij, krahasimet e qeverisë aktuale me situatat e vitit 2008 për të justifikuar veprimet e viteve 2023 dhe 2024 janë të papranueshme.
“Njerëzit i krahasojnë me programet dhe premtimet e tyre, jo me atë që ka ndodhur para 15 vitesh,” tha Muharremi duke paralajmëruar se mosmbajtja e standardeve mund të çojë në ndëshkim të ngjashëm si me qeveritë e mëparshme. /Kosovatimes/
