Moska ka akuzuar administratën në largim të presidentit amerikan Joe Biden për minimin e planeve të presidentit të zgjedhur Donald Trump për t’i dhënë fund luftës në Ukrainë.
“Gjatë fushatës zgjedhore, Trump foli për dëshirën për të arritur paqen në një farë mënyre dhe ai po drejtonte gjithçka drejt një zgjidhjeje paqësore”, tha zëdhënësi i Kremlinit Dmitry Peskov për televizionin rus.
“Ata po bëjnë gjithçka që munden për të përshkallëzuar situatën”
“Dhe tani ata po bëjnë gjithçka që munden për të përshkallëzuar situatën në atë mënyrë që marrëveshjet e paqes të jenë të dënuara të dështojnë,” tha Peskov në emisionin politik “Moskë. Kremlin. Putin”.
“Administrata e Bidenit do të bëjë gjithçka që lufta të mos përfundojë”
Përpara komenteve të Peskov, Biden autorizoi Ukrainën të përdorë raketa me rreze të gjatë veprimi të SHBA-së ATACMS kundër objektivave ushtarakë në Rusi. Biden gjithashtu planifikon të falë një pjesë të borxhit të Ukrainës.
Peskov tha se administrata Biden ka treguar se “do të bëjë gjithçka që kjo luftë të mos përfundojë” dhe se duan të kufizojnë Trumpin dhe të hakmerren ndaj tij për humbjen në zgjedhje.
