Një aeroplan i linjës ajrore ruse Azimut, i ardhur nga Soçi, ka marrë flakë në aeroportin e Antalias. Kjo është bërë e ditur nga portali turk i aviacionit AirportHaber.
Sipas publikimit, motori i Sukhoi Superjet 100 mori flakë. Zjarri u zbulua pasi avioni u ndal në pistë. Menjëherë në vendngjarje kanë mbërritur forcat zjarrfikëse.
Portali vëren se sipas të dhënave paraprake nuk ka pasur viktima apo të lënduar si pasojë e zjarrit, pasagjerët janë evakuuar.
Zëvendës menaxheri i aeroportit Suat Seyitoglu tha për Haber7 se të gjithë pasagjerët u evakuuan dhe zjarri ishte shuar. Në bord ndodheshin 79 persona.
Përfaqësuesi i Agjencisë Federale të Transportit Ajror Artem Korenyako konfirmoi se një aeroplan i linjës ajrore Azimut mori flakë në aeroportin e Antalias. Sipas tij, nuk ka të vdekur.
