Një prokuror francez kërkoi sot një dënim maksimal prej 20 vitesh burg për Dominique Pelicot, i cili organizoi përdhunimet në grup të gruas së tij për gati një dekadë dhe ndau foto dhe video të përdhunimeve.
71-vjeçari Pelicot e drogoi gruan e tij për ta bërë të humbiste ndjenjat, pas së cilës ajo iu nënshtrua përdhunimit masiv. Pelicot rrëfeu krimet e tij në një gjyq që tërhoqi vëmendjen mbarëbotërore dhe u shndërrua në një debat mbi përhapjen e krimeve seksuale dhe dhunës në Francë dhe më gjerë.
“Dënimi maksimal me burg është 20 vjet, që është shumë, por në të njëjtën kohë shumë pak duke pasur parasysh peshën e krimeve të kryera dhe të përsëritura”, tha prokurorja Laure Chabaud.
Prokurorët do të njoftojnë së shpejti se çfarë dënimi kërkojnë për të tjerët
Shumica e 50 burrave të tjerë në gjyq thanë se nuk e dinin se po përdhunonin Gisele Pelicot, nuk kishin ndërmend ta përdhunonin dhe fajësuan bashkëshortin e saj të atëhershëm, për të cilin ata pretendojnë se i manipuloi.
Prokurorët do të bëjnë të ditur në ditët në vijim se çfarë dënimi kërkojnë për secilin prej tyre. Gjykimet priten rreth datës 20 dhjetor.
Gisele Pelicot (71) refuzoi ofertën për të mbajtur gjyqin me dyer të mbyllura. Ajo kërkoi që gjyqi të jetë publik për të inkurajuar gratë e tjera të flasin hapur për dhunën seksuale dhe për të treguar se viktimat nuk kanë asgjë për të cilën të turpërohen.
Videot e bashkëshortit të saj, të cilat u shfaqën në sallën e gjyqit, tregojnë përjetimet e të akuzuarit në trupin e palëvizshëm të Xhisiela Pelicot, e cila ishte pa ndjenja nën ndikimin e drogës.
