Trajneri i Real Madridit, Carlo Ancelotti, ka shprehur besim në skuadrën e tij para ndeshjes me Liverpool pavarësisht formës së ndryshme të ekipeve.
Dy skuadrat do të përballen të mërkurën në Champions League. Skuadra angleze, që aktualisht mban vendin e tretë në tabelë, do të presë Real Madridin, i cili ndodhet në një situatë të pazakontë, në vendin e njëzet.
“Jemi më solidë, kemi një ndjenjë të mirë dhe të njëjtën besim si gjithmonë, edhe për këtë ndeshje ndaj një kundërshtari shumë kërkues që po luan shumë mirë”, ka thënë Ancelotti.
Ai e ka cilësuar këtë përballje si një mundësi për kthimin e ekipit në formën më të mirë.
“E konsideroj një mundësi të madhe për ne që të kthehemi në nivelin tonë më të mirë. Jam plotësisht i bindur që do të jetë një ndeshje e madhe. Pas kësaj, çfarëdo që të ndodhë, ndodhë. Por ekipi do të jetë konkurrues nesër, pa dyshim”, ka thënë strategu italian.
Duke folur për rivalitetin mes dy klubeve, Ancelotti ka theksuar historinë e pasur të Liverpool dhe Real Madrid në këtë garë elitare.
“Dy klube historike në këtë garë, secila me karakteristikat e veta. Do të shohim se kush ka karakterin dhe personalitetin për ta treguar në fushë. Liverpool gjithmonë ka qenë shumë konkurrues dhe shumë i rrezikshëm”, ka thënë ai.
