Në ceremoninë solemne të 80-vjetorit të themelimit të Bibliotekës Kombëtare të Kosovës (BKK), organizuar dje, është hapur edhe ekspozita “80 vjet të Bibliotekës Kombëtare të Kosovës : antologji e koleksioneve”, kuruar nga Hana Halilaj.
Ekspozita paraqet botime, dorëshkrime dhe materiale origjinale nga fondi i BKK-së.
Janë ekspozuar për të parën herë dorëshkrime, skica të objektit të bibliotekës, materiale audiovizuale, si dhe libra, gazeta, revista, harta e fotografi që u takojnë zhvillimeve dhe periudhave të ndryshme kulturore dhe historike të Kosovës.
Gjithashtu, po dje është hapur edhe ekspozita me botimet e Bibliotekës Kombëtare. /Kosovatimes/
