Arne Slot, trajneri i Liverpool, ka thënë se se negociatat për kontratën e Mohamed Salah nuk kanë ndikim në performancën e egjiptianit në fushë.
Mohamed Salah kishte deklaruar së fundmi se ende nuk ka marrë një ofertë zyrtare për rinovimin e kontratës, duke thënë se ndodhet “më shumë jashtë se brenda” klubit. “Jemi gati në dhjetor dhe ende nuk kam marrë asnjë ofertë për të qëndruar në klub”, ishte shprehur ai, duke ngritur dyshime mbi të ardhmen e tij te Liverpool.
Mirëpo trajneri i sapoardhur te Liverpool ka thënë se, lidhur me këtë, ai nuk ka vërejtuar asnjë ndryshim te futbollisti.
“E vetmja gjë që mund të them është, nëse e shoh formacionin tim, Mo është më shumë brenda sesa jashtë”, ka thënë trajneri i Liverpool. Ai ka shtuar se negociatat për rinovimin e kontratës së Salah nuk kanë shpërqendruar lojtarin. “Nuk mendoj se është shpërqendruar fare. Nuk kam parë asgjë sot, ai është plotësisht i përqendruar në ndeshjen e nesërme”, ka theksuar trajneri i “Reds”.
