Shkruan: Agim BAJRAMI
Termi komb, rrjedh nga fjala latine që do të thotë: Natio, që nënkupton “të vegjlit e fisit, apo të lindurit e vegjël të te njëjtit fis, apo grup njerëzish të te njëjtit fis, prejardhje apo me të njëjtën gjuhë, traditë apo fe-religjion.
Kombi, është një komunitet njerëzor i përcaktuar nga koshienca (vetëdija)që i përket identitetit të përbashkët, për nga prejardhja, gjuha, kultura, tradita e përbashkët, e në shumë raste edhe të fesë së përbashkët.
Kombi, sipas përkufizimit politik nënkupton; shtrirjen e komunitetit të caktuar, ne një territor të përbashkët, të lidhur me shtetin e përbashkët.P.sh Zvicra, Kanada, Belgjika, SHBA,
Britania e Madhe.
Ideja e kombeve nuk është aq e thjesht. Ka kombe bashkëkohore, që kanë shumë gjuhë dhe shumë fe për shembull, Zvicra me shumë gjuhë, Gjermania me kombin gjerman, dhe me shumë fe. Shqipëria nga kombi shqiptarë por me shumë fe, dhe i shpërndarë në shumë shtete. Ka kombe të shpërndarë në shumë territore dhe pa shtet, dhe ka shtete pa kombe por me komunitet qytetarë.
Në kohën e sotme ka kombe që janë të lidhura me konstruksionin politik të shtetit.
Përkufizimi i kombit, nga filozofia gjermane e fillim të shekullit 19:
Ideja e kombit, karakterizohej nga elementet e përbashkëta si: prejardhja, historia, gjuha, feja,
kultura e përbashkët.
Përkufizimi i kombit, sipas revolucioni francez i shek.18. Kombi përkufizohet nga, ideja e “bashkësisë për të jetuar bashkërisht” vetëvendosja e popullit.
Sipas nocionit shtete-kombe si; Franca, Gjermania, Japonia nuk shtrohet çështja e identitetit kombëtar-etnik ,këto janë shtete- kombe.
Ndërsa Kanada, është shtet qytetar i kombit kanadez, apo Zvicra, Belgjika. Pra definicioni i kombit është përkufizim i gjithanshëm evolutiv dhe dinamik nëpër etapat e ndryshme të zhvillimit shoqëror. Sot në doktrinën amerikane dhe evropiane rreth kombeve dhe shteteve po dominon filozofia e çështjes së të LIRIVE DHE TË DREJTAVE TË NJERIUT si vlera të karakterit universal të njerëzimit duke u absorbua si vlerë e të drejtave kombëtare të shteteve subjekte të së drejtës ndërkombëtare dhe instrumente juridike të institucioneve ndërkombëtare.
