Zyrtarët e ushtrisë libaneze njoftuan se anëtarët e tyre po përgatiten të shkojnë në jug të vendit, pra në pozicionet që ishin nën kontrollin e Hezbollahut.
“Në bazë të kërkesës së qeverisë, ushtria do të vendoset në Libanin jugor në koordinim me misionin paqeruajtës të OKB-së (UNIFIL) dhe në zbatim të rezolutës 1701 të OKB-së”, u njoftua.
Rezoluta 1701, e miratuar më 11 gusht 2006, bën thirrje për një ndërprerje të plotë të armiqësive midis Hezbollahut dhe Izraelit dhe krijimin e një zone pa armë midis Linjës Blu dhe lumit Litani në Libanin jugor, me përjashtime për Ushtrinë Libaneze dhe UNIFIL. .
Gjithashtu, ushtria libaneze kishte një mesazh për qytetarët e Libanit.
“Prisni përpara se të ktheheni në fshatrat dhe qytetet në vijën e frontit, ku armiku izraelit hyri më herët”, shpjeguan ata.
Që nga fillimi i konfliktit në Liban, më shumë se 3,760 njerëz janë vrarë në sulmet izraelite dhe më shumë se një milion janë zhvendosur që nga tetori i kaluar, sipas qeverisë libaneze.
