Shkruan: Refik HASANI
Pakica Serbe e Kosovës, me dokumente ilegale të lëshuara nga institucione paralele të Republikës së Serbisë,do të lëvizin pa viza në BE, kurse shqiptarët në Preshevë, Medvegjë, Bujanoc po diskriminohen duke u pasivizuar adresat si një pastrim etnik
Më datën 22 korrik 2024, Këshilli Evropian ka marrë vendim për liberalizimin e vizave për qytetarët që mbajnë pasaporta serbe të lëshuara nga e ashtuquajtura “Drejtoria Koordinuese e Serbisë”. Serbia ende i mban funksionale institucionet paralele, gjatë gjithë kohës edhe pas datës 10 qershor të vitit 1999, ka lëshuar dokumente, e të cilët edhe pse ilegal, poseduesit e këtyre dokumenteve do të lëvizin pa viza në BE.
Në këtë rast pakicën Serbe në Kosovë, askush nuk i ka penguar që të pajisen me dokumente të Republikës së Kosovës, dhe nuk kanë dashur të pranojnë realitetin e ri, për të pranuar Republikën e Kosovës.
Kurse, shqiptarët si një pakicë autoktone në trojet e veta etnike, në Preshevë, Medvegjë, Bujanoc e me shtrirje gjithë andej Serbisë, po përballen me një të ashtuquajtur pasivizim i adresave që ka një qëllim dhe objektiv-për pastrim etnik, një diskriminim i llojit të vetë.
Pasivizimi i adresave është, cenim, mohim i së drejtës elementare individuale dhe kolektive një diskriminim, është kundër standardeve dhe konventave të BE-së dhe akteve tjera që janë të garantuara edhe me kartën e OKB-së.
Deri më tani janë të pasivizuar mbi 35 mijë qytetarë shqiptarë, që janë shtetas të Serbisë me vendbanim në Preshevë, Medvegjë, Bujanoc e gjithë andej Serbisë.
Pakica Serbe e Kosovës,nuk e ka pranuar Republikën e Kosovës, dhe ilegalisht janë pajisur me dokumente të institucioneve paralele të Serbisë, e që të njëjta,nga pardje edhe janë “legalizuar”, nga BE-ja.
Kurse, shqiptarët si një pakicë autoktone në trojet e veta etnike, në Preshevë, Medvegjë, Bujanoc e me shtrirje gjithë andej Serbisë, mbetën ashtu duke mos u pajisur dhe ligjërisht, sepse janë të pasivizuar, qëndrojnë pa dokumente, të vendit ku kanë lindur e kanë krijuar pasuri.
Që nga data 22.07.2024, pakica Serbe e Kosovës, me dokumente ilegale të lëshuara nga institucione paralele të ashtuquajtur “Drejtoria Koordinuese e Serbisë”, do të lëvizin pa viza në BE, kurse shqiptarët në Preshevë, Medvegjë, Bujanoc po vazhdojnë të diskriminohen duke ju pasivizuar adresat si një pastrim etnik.
Këto janë dy standarde të ndjekura për dy shtete fqinjë, si që është Kosova dhe Serbia. Ilegalja në Kosovë legalizohet nga BE-ja, pasi gjithë dokumentet e lëshuara nga e ashtu quajtura “Drejtoria Koordinuese e Serbisë”, pranohen.
