Musk po iu përgjigj raporteve të AP se administrata Biden i ka kërkuar Ukrainës që të zgjerojë me shpejtësi forcat e saj të armatosura, ndër të tjera, duke rishikuar ligjet e mobilizimit për të lejuar rekrutimin e meshkujve 18-vjeçarë.
“Sa (njerëz) të tjerë duhet të vdesin?” Elon Musk postoi në Twitter duke kritikuar përmbajtjen e raportit të AP.
Më 19 nëntor, Këshilltari i Sigurisë Kombëtare i SHBA-së, Jake Sullivan deklaroi se Ukraina ka marrë një rezervë të konsiderueshme armësh të ndryshme amerikane, por vazhdon të përballet me sfida në fushën e betejës, duke ia atribuar vështirësitë çështjeve të mobilizimit.
Dmytro Lytvyn, këshilltar për komunikim i presidentit të Ukrainës, iu përgjigj thirrjeve të SHBA për të ulur kufirin e moshës për mobilizim, duke vënë në dukje se armët e premtuara nuk ishin dorëzuar në kohë.
“Nuk ka kuptim të shohim thirrje për Ukrainën për të ulur moshën e mobilizimit, me sa duket për të rekrutuar më shumë njerëz, kur shohim se pajisjet e njoftuara më parë nuk po arrijnë në kohë. Për shkak të këtyre vonesave, Ukrainës i mungojnë armët për të pajisur ushtarët tashmë të mobilizuar. “, ka shkruar Litvin.
