Marina Vlahovic (39), një gazetare e specializuar në Lindjen e Mesme, u gjet e vdekur në një apartament në Marsejë të hënën, më 25 nëntor. Është hapur një hetim për zbardhjen e rrethanave të vdekjes së saj.
Trupi i pajetë i gazetares Marina Vlahoviq është gjetur nga miqtë e saj, pasi ajo nuk i përgjigjej telefonit prej ditësh. Të shqetësuar për këtë, ata shkuan në banesën e saj dhe zbuluan këtë lajm tragjik.
Trupi i saj ishte në tarracën e një ndërtese në lagjen e parë të Marsejës. Vdekja ndoshta ka ndodhur disa ditë para gjetjes së trupit.
Sipas burimeve policore të cituara nga La Provence, asnjë element deri më tani nuk tregon për një vdekje të dhunshme. Është urdhëruar një autopsi për zbardhjen e rrethanave të vdekjes së saj, ndërsa hetimet janë duke vazhduar.
