Arsenali ka arkëtuar tri pikë tejet të rëndësishme në garën për kreun e tabelës në Premier League.
‘Topçinjtë’ mundën në udhëtim West Hamin, me rezultat 2-5, të shtunën në kuadër të javës së 13-të në elitën e futbollit anglez.
Të besuarit e Mikel Artetës shumicën e lojës ishin më të mirë, duke krijuar shumë raste dhe duke shënuar pesë gola.
Magalhaes (10’), Trossard (27’), Odegaard (34’), Havertz (36’) dhe Saka (45+5’), shënuan për fitoren e Arsenalit, derisa për skuadrën nikoqire realizuan Bissaka (38’) dhe Emerson (40’).
Pas kësaj fitore, Arsenali ka 25 pikë në vendin e dytë, gjashtë me pak se lideri i tabelës, Liverpool që nesër përballet me Man Cityn, kurse, West Ham është e 14-ta me 15 sosh.
