“Ka 250,000 njerëz në veri që OKB-ja ka ndaluar së furnizuari sepse nuk mund të hyjnë dhe nuk mund t’u ofrojnë asgjë. Situata e sigurisë është absolutisht e tmerrshme. Pra, çfarë do të ndodhë? Ata do të vdesin nga uria , sëmundje dhe braktisje”, tha Borrell.
Sipas tij, “bota nuk është në dijeni se çfarë po ndodh atje”.
Politikani spanjoll, i cili u bë kryediplomati i BE-së në dhjetor 2019, tha se bota ishte bërë “shumë, shumë më keq” që kur ai mori detyrën.
Përveç pamundësisë së ndalimit të sulmeve në Gaza, ai vuri në dukje tensionet në rritje në të gjithë Lindjen e Mesme, veçanërisht midis Izraelit dhe Iranit.
“Duket mirë deri tani, por është një fuçi baruti ku mund të ndodhë diçka shumë më serioze,” tha ai.
E vetmja gjë pozitive që ai përmendi ishte armëpushimi në Liban që hyri në fuqi të mërkurën, megjithëse ai paralajmëroi se ishte “shumë i brishtë” pasi Izraeli, i mbështetur nga SHBA, rezervon të drejtën për të ndërhyrë.
Borrell po kthehet në Madrid dhe pak ditë më parë qëndroi me përfaqësuesit e OKB-së të ngarkuar me ndihmat humanitare, të cilat Izraeli nuk i lejon të dërgojnë ndihma në Rripin e Gazës.
