Sulmuesi portugez i Milanit, Rafael Leao qysh këtij dimri mund të bëhet pjesë e futbollit francez.
Sipas medieve francez, PSG është e interesuar për yllin portugez.
Kampionët në fuqi të Francës janë në kërkim të zëvendësuesit të Kylian Mbappe, i cili gjatë verës që lamë pas, iu bashkua Real Madridit.
Krerët e PSG-së thuhet se tashmë janë duke përgatitur ofertën në adresë të Milanit për Leaon.
Megjithatë, transferimi i reprezentuesit të Portugalisë në ‘Parkun e Princave’ nuk do të jetë i lehtë pasi që Milanit ka vendosur klauzola e shitjes së tij prej 175 milionë eurosh, shifër kjo që mund të konsiderohet tepër e lartë për portugezin.
Leao këtë sezon të garave ka shënuar tri gola dhe ka bërë pesë asistime në 14 ndeshjet e Serie A dhe në Ligën e Kampionëve.
