Kryeshefi ekzekutiv i Bordit të Ndërmarrjes Hidroekonomike “Ibër-Lepenci”, Faruk Mujka tha se është shumë i kënaqur me intervenimin e brendshëm, si dhe për organizim dhe mobilizim të shpejtë në sanimin e gjendjes dhe për furnizimin e konsumatorëve me ujë të pijes.
Kryeshefi Faruk Mujka tha se për momentin qytetarët po mundemi të furnizojmë me ujë të pijes, por që duhet ndarë racionalisht, derisa bëri thirrje te ujësjellësit regjionalë të Mitrovicës, Vushtrrisë dhe Prishtinës për një bashkëpunim, në mënyrë që uji të shfrytëzohet racionalisht dhe në orare të caktuara.
“Jemi shumë të kënaqur me intervenimin tonë të brendshëm, për organizim dhe mobilizim të shpejtë. Varësisht prej kushteve atmosferike do të bëjmë të mundshëm edhe furnizimin e ujësjellësve regjionalë”, tha Mujka.
