Kampioni i Kosovës në hendboll në konkurrencë të meshkujve, Rahoveci, sot e luan ndeshjen e kthimit me skuadrën e madhe rumune, Minaur Baia Mare.
Ndeshja e dytë e raundit të tretë të Kupës Evropiane (EHF European Cup) zhvillohet në Baia Mare nga ora 15:00.
Ndeshja e parë është zhvilluar të shtunën e kaluar në Rahovec. Në një atmosferë të bukur sportive dhe në praninë e mbi 2000 shikuesve, fitore me rezultat 38:31 shënoi skuadra rumune. Kështu rumunët janë favoritë për të kaluar në raundin e radhës, por “vreshtarët” kanë udhëtuar të përkushtuar për të dhënë maksimumin në kërkim të fitores.
Rahoveci për herë të dytë po paraqitet në gara kontinentale. Në raundin e dytë të Kupës Evropiane e eliminoi skuadrën belge Sezoens Achilles Bocholt.
