Uk Lushi, veprimtar i njohur i çështjes kombëtare, i është drejtuar kryeministrit Albin Kurti me një mesazh të drejtpërdrejtë duke kërkuar veprime konkrete në adresimin e sfidave strategjike të Kosovës.
Në një reagim publik, Lushi i bëri thirrje Kurtit që të mos e respektojë letrën e ish-presidentit Hashim Thaçi duke e cilësuar atë si të paobligueshme.
“Mos justifiko veten me të kaluarën. Nëse ke zuzë, ço FSK-në në Ujman dhe në pika strategjike në Leposaviq. Fitorja dhe humbjet janë të tuat!” deklaroi ai.
Lushi gjithashtu kritikoi kryeministrin për, siç tha ai, “shitjen e demagogjisë” dhe mungesën e veprimit të guximshëm.
“Je në pushtet dhe mos shit demagogji! Vepro! Mos akuzo tjerët për mungesat tua! Mjaft me fjalë! Po do luftë, prij!”, përfundoi ai.
Ky reagim vjen në një kohë kur Kosova përballet me tensione të larta në veri dhe presion të shtuar ndërkombëtar për stabilizimin e situatës. /Kosovatimes/
