Ndërtesa e Hendikosit në Ferizaj po bëhet efiçiente, për shkak të investimeve në ngrohje dhe ftohje nga Fondi i Kosovës për Efiçinecë të Energjisë dhe donatorëve.
Objekti i ri, i cili po ndërtohet falë mërgimtarëve dhe donatorëve për nevojat e shoqatës së personave me aftësi të kufizuar ‘HENDIKOS’, në Ferizaj, pritet të kompletohet me instalimin e sistemit të ngrohjes dhe ftohjes. Kjo po mundësohet Fondi i Kosovës për Efiçiencë të Energjisë, në vlerë prej 65 mijë eurosh.
“Për neve si Fond i Kosovës për Efiçiencë të Energjisë, ky projekt kaq fisnik është shumë i rëndësishëm. FKEE vazhdimisht investon në projekte të sektorit publik por edhe në sektorin rezidencial për çështje të efiçencës së energjisë. Por, për tej kësaj, e kemi edhe komponentët e përgjegjësisë sociale për të cilën përdorim fonde, të cilat gjenerohen nga asetet tona financiare që i mbajmë në sektorin financiar dhe ato fonde natyrisht së bashku me bordin kemi vendosur që t’i përdorim për kauza të tilla”, tha Driton Hetemi, drejtor menaxhues i FKEE-së.
Në shoqatën ‘Handikos’, që rreth vetes numëron rreth 1200 anëtarë, presin që realizimi i projekti do të sjellë rehati për punë në të gjitha stinët e vitit.
“Investimi në ngrohje dhe ne ftohje me efiçiencë të energjisë është jetik për shërbimet që ne i ofrojmë do të ofrojë një komoditet edhe për vetë stafin që ofrojnë këto shërbime dhe për përfituesit që kanë për t’i marrë ato shërbime. Për arsye se një ambient i mirë d.m.th. sjellë komoditet sa i për ketë këtyre shërbimeve se deri më tani kemi qenë shumë keq me kushte që kemi punuar”, tha Enver Kosumi, drejtor i ‘Handiksit’, Ferizaj.
Përfundimi i objektit pritet të përfundojë deri në fund të prillit të vitit 2025.
