Kina njoftoi zbulimin e depozitës më të madhe të njohur të arit në botë, vlera e së cilës i kalon 76 miliardë euro.
Ky vend spektakolar ndodhet në Minierën Wangu, në pjesën qendrore të vendit, në provincën Hunan.
Gjeologët vlerësojnë se depozita mund të përmbajë më shumë se 1000 ton ar, duke e bërë atë një nga zbulimet më të vlefshme në historinë moderne të minierave.
Venat e arit, të cilat janë çarje të ngushta në shkëmbinj të mbushur me këtë metal të çmuar, përmbajnë rreth 300 tonë ar. Megjithatë, studiuesit besojnë se shtresat më të thella të depozitës fshehin rezerva edhe më të rëndësishme, të cilat mund të rrisin më tej shumën totale.
Kjo zonë tashmë ka potencialin për t’u bërë vendburimi më i pasur i arit në botë.
Zbulimi nuk është vetëm i një rëndësie të madhe për ekonominë kineze, por gjithashtu mund të ndryshojë dinamikën globale të tregtisë së metaleve të çmuara. Ky është një tjetër tregues i dominimit të Kinës në burimet strategjike.
